टोखा नगरपालिका सिल

टोखा नगरपालिकामा कार्यरत कर्मचारीलाई कोरोना सङ्क्रमण देखिएपछि नगरपालिका कार्यालय एक हप्ताका लागि बन्द गरिने भएको नगरपालिकाले जनाएको छ ।

काठमाडौंको उत्तरी क्षेत्रमा अवस्थित टोखामा पछिल्लो समय कर्मचारीलाई समेत कोरोना सङ्क्रमण देखिएपछि २१ भदौदेखि २६ गतेसम्म नगरपालिका बन्द गर्न लागिएको हो । नगरपालिकामा  कार्यरत केही कर्मचारीलाई कोरोना पोजिटिभ देखिएको र अरू कर्मचारीलाई सङ्क्रमण फैलन नदिन एक हप्ताका लागि कार्यालय बन्द गर्न लागेको जानकारी नगरपालिकाले दिएको छ ।

कार्यालय बन्द रहे पनि कोरोना नियन्त्रण तथा व्यवस्थापन सम्बन्धि कामहरु निरन्तर रुपमा सञ्चालन हुने नगरपालिकाले जनाएको छ ।