हिमालयन आँखा अस्पताल पोखराका लेखा प्रमुखमाथि यौन दुर्व्यवहारको आरोप

पोखराको एकमात्र आँखा अस्पताल हिमालयन आँखा अस्पताल घारीपाटनका लेखा शाखा प्रमुख बामदेव सुवेदीलाई सोही अस्पतालमा कार्यरत महिला कर्मचारीमाथि यौन दुब्र्यवहारको आरोप लागेको छ ।

हिमालयन आँखा अस्पतालमा कार्यरत एक महिला कर्मचारीले आफुमाथि शोषण भएको भन्दै अस्पताल प्रशासनलाई सुबेदीको बिरुद्ध उजुरी दिएकी छिन । आफुमाथि यौन शोषण गरेको भन्दै सो महिलाले शुक्रबार उजुरी दिए पछि तत्काल अस्पताल प्रशासनले ती कर्मचारीलाई निलम्बन गरेर छानबिन शुरु गरेको अस्पताल श्रोतले जनाएको छ ।

करीब ३८ बर्षीया ती महिलालाई लेखा प्रमुख बामदेव सुबेदीले करीब ४ बर्ष अगाडिदेखि बिभिन्न डर ,धाक र धम्की दिएर शारिरिक शोषण गर्दै आएको महिलाको आरोप छ । श्रोतका अनुसार सुबेदीले अस्पताल प्रशासन तथा ब्यवस्थापन समितिसँग आफु नजिक रहेको र घटना बाहिर ल्याए जागिर खाइदिने धम्की दिदैँ यौन शोषण गर्ने गरेको श्रोतको दाबी रहेको छ ।

करीब ४ बर्ष अगाडिदेखि हुँदै आएको शोषण नरोकिए पछि महिला बाध्य भएर अस्पताल प्रशासनलाई उजुरी दिएको बताइएको छ । सुवेदीले डर ,धाक र धम्की दिँदै अन्य कर्मचारीहरुलाई पनि शारिरीक शोषण तथा दुराचार गर्ने गरेको अन्य कर्मचारीहरुले पनि अस्पताल प्रशासनलाई मौखिक जानकारी गराएका छन । तर उनीहरुले लिखित उजुरी भने दिएका छैनन ।

अस्पताल प्रशासनका अनुसार आफुहरुलाई सो उजुरी आएको र छानबिनको प्रकृयामा रहेको बताइएको छ । आरोपित सुबेदीलाई निलम्बन गरेर आवश्यक छानबिन गर्ने कार्य अगाडि बढाइएको अस्पताल श्रोतले जनाएको छ । पीडित महिलालाई आवश्यक परेको खण्डमा प्रहरीमा उजुरी दिन सक्ने भन्दै अस्पतालले बाटो खोलिदिएको भएता पनि हालसम्म पीडित महिलाले प्रहरीमा उजुरी दिएकी छैनन ।

यसरी पोखराको एक मात्र आँखा अस्पतालमा भएको यो यौन शोषण काण्डमा आरोपित सुवेदीलाई अनुसन्धानको दायरामा ल्याएर कारवाही गर्नुपर्ने माग पीडितको छ ।