र्‍यापिड टेष्टमा चितवनका ४ जनामा कोरोना पोजेटिभ

काठमाडौं – चितवनमा र्‍यापिड डाईग्नोस्टिग टेष्ट (आरडीटी) बाट जाँच गरिएका ४ जनामा कोरोना पोजेटिभ देखिएको छ । सरकारले कोरोना संक्रमण भए नभएको जाँच्नका लागि पिसिआर र र्‍यापिड डाईग्नोस्टिग टेष्ट दुईवटा प्रविधीमार्फत् परिक्षण गरीरहेको छ ।

हालसम्म १५ हजार ८ सय परिक्षण भएको छ । स्वास्थ्य तथा जनसंख्या मन्त्रालयले र्‍यापिड डाईग्नोस्टिग टेष्ट प्रविधीबाट जाँच गरिएका जाँचमा पोजेटिभ देखिएको संक्रमित देखिएका नमूना फेरि जाँच गर्दा केन्द्रिय प्रयोगशाला पठाउँने र त्यहाँबाट आएको अन्तिम नतिजाबाट मात्रै कोरोना भए नभएको पुष्टि हुने बताएको छ ।

आज पत्रकार सम्मेलनमा पनि मन्त्रालयका प्रवक्ता डाक्टर विकास देवकोटाले कोरोना जाँच्ने किटबाट संक्रमण भए नभएकोबारे जाँच्दा केहि नमूना पोजेटिभ पाइएको तर तिनलाई थप पीसीआरबाट परीक्षण गरिसकेपछि नतिजा प्रकाशित गरिने जानकारी दिएका थिए ।

हालसम्म नेपालमा कोरोना संक्रमितको संख्या १६ पुगेको छ । जसमध्ये एकजना (पहिलो संक्रमित) उपचारपछि स्वास्थ्य लाभ गरी घर फर्किएका छन् भने बाँकी १५ जनाको चिकित्सकको विशेष निगरानीमा विभिन्न अस्पतालहरुमा उपचार भइरहेको छ ।

हालसम्म पिसिआर र र्‍यापिड डाईग्नोस्टिग टेष्टबाट १५ हजार ८ सय परिक्षण भएको छ । जसमध्ये पिसिआरबाट ६८७१ जनाको परिक्षण भएको छ भने र्‍यापिड डाईग्नोस्टिग टेष्टबाट ८९२९ जनाको टेष्ट भएको छ । गत २४ घण्टामा २ हजार ८ सय ९४ जनाको जाँच गरिएको छ । हालसम्म १४ जिल्लाबाहेक सबै स्थानमा र्‍यापिड डाईग्नोस्टिग टेष्ट सुरु गरिएको छ ।

हालसम्म ५ हजार ६ सय १४ जना क्वारेन्टाईनमा छन् । हालसम्म १ सय १७ जना आईसोलेसनमा छन् । आईसोलेसनमा भएकामध्ये काठमाडौंमा ११ जना र काठमाडौंबाहिर १ सय ६ जना रहेका छन् ।

हालसम्म स्वमूल्यांकनको लागि १७ हजार ६ सय ३० जनाले वेवसाईटमा विवरण राखेकोमा गत २४ घण्टामा १ हजार १ सय ८२ जनाको विवरण हेरी १३ जनालाई रेड जोनमा राखिएको छ । हालसम्म मानिसहरुले टिपाएको विवरणका आधारमा ११८२ जना रेड जोनमा परेका छन् ।