कोरोना भाइरसबाट पञ्जाव पुलिसका एसीपीको मृत्यु

काठमाडौं । भारतको पञ्जाबस्थित लुधियाना जिल्लाका सहायक प्रहरी आयुक्त (एसीपी) अनिल कोहलीको कोरोना भाइरसको संक्रमणबाट शनिवार मृत्यु भएको छ।

लुधियानाको एक निजी अस्पतालमा कोरोना भाइरसको उपचारत उनको ५२ वर्षका उमेरमा निधन भएको भारतीय सञ्चारमाध्यमहरुले बताएका छन् ।

उनमा गत १३ अप्रिलमा कोरोना पोजेटिभ पाइएको थियो । शुरुमा अपोलो अस्पतालमा उपचा गराइए पनि पछि भने उनलाई सतगुरु प्रताप सिंह अस्पतालमा भर्ना गरिएको थियो। सोही अस्पतालमा कोहलीको शनिवार मृत्यु भएको हो ।

Chief Minister @capt_amarinder Singh expresses profound grief over the sad demise of Ludhiana ACP Anil Kohli who had tested #COVID_19 positive few days back. Chief Minister shares his condolences with the family and prays for eternal peace to the departed soul. pic.twitter.com/kRAFYWjERf

— CMO Punjab (@CMOPb) April 18, 2020

एसीपी कोहलीकी पत्नीलाई पनि कोरोना पोजेटिभ देखिएको छ। उनको अवस्था भने सुधारोन्मुख रहेको छ। कोहलीका चालक र उनसँग काम गर्ने एक महिला सब इन्स्पेक्टरको उपचार भइरहेको छ।