थप २२६ जनामा कोरोना संक्रमण पुष्टि : संक्रमितको संख्या १७ सय ९८

२०७७ जेष्ठ १९ : काठमाडौँ – नेपालमा सोमबार  एकैदिन २२६  जनामा कोरोना (कोभिड-१९) पुष्टि भएको छ  । यससँगै नेपालमा कुल संक्रमितको संख्या १७ सय ९८  पुगेको छ ।  तिमध्ये १६ सय ६७ पुरुष र १ सय ३१ महिला हुन् ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा। विकास देवकोटाले नेपालमा थप २२६ जनाको कोरोना परीक्षण रिपोर्ट पोजिटिभ आएको बताउनु भयो ।

मन्त्रालयका अनुसार पछिल्लो २४ घण्टामा दैलेखमा ४१, कपिलवस्तुमा ४०, सर्लाहीमा ३८, जुम्लामा १९, रौतटहमा १८, कैलालीमा १४, सल्यानमा १०, दाङमा ९, बाँकेमा ७, धनुषामा ७ जना संक्रमित थपिएका छन् ।

सिरहामा ५, सुर्खेतमा ५, नवलपरासीमा ३, महोत्तरीमा २ र झापामा २ जनामा संक्रमण पुष्टि भएको छ। त्यस्तै, मकवानपुर, उदयपुर, अछाम, बैतडी, डोटी र कञ्चनपुरमा एकरएक जनामा संक्रमण पुष्टि भएको मन्त्रालयका प्रवक्ता डा. विकास देवकोटाले बताउनु भयो ।

डाक्टर देवकोटाका अनुसार अहिले देशभरका आइसोलेसनमा १५ सय  ६७  जना संक्रमित रहेका छन् । आजसम्म २  सय २१ जना संक्रमित उपचारपछि निको भएर घर फर्किएका छन् । नेपालमा कोरोनाका कारण मृत्यु हुनेको संख्या ८ जना रहेको छ  ।