काठमाडौँ – स्याटेलाइट प्रविधिमार्फत टेलिभिजन सेवा प्रदान गर्दै आएको कम्पनी डिशहोमले नयाँ ब्राण्डिङको तयारी सुरु गरेको छ । कम्पनीले आफ्नो मातहतमा रहेको डिशहोम इन्टरनेट र सिम टीभीलाई समेत द्रुतरुपमा विस्तार गर्ने भएको हो । डिशहोमले आफ्नो प्रयोगकर्ताको आधार विस्तार स्वरुप यो परियोजना अघि बढाइएको बताएको छ ।
‘अबको बजार डीटीएच सेवाका साथै फाइबर इन्टरनेटसँगैको टेलिभिजनको पनि हो,’ डिशहोमका जनरल म्यानेजर रमेश सापकोटाले भने, ‘त्यसैले अब डिशहोमसँगै डिशहोम इन्टरनेट र सिम टीभीलाई पनि एकै स्तरमा विस्तार गर्ने योजना बनाइएको हो । यो योजना अन्तर्गत अबको एक वर्षभित्र देशका हरेक सहरमा सिम टीभी र इन्टरनेट सेवा विस्तार गर्ने योजना रहेको छ ।