काठमाडौंमा घरमा ग्यास बिस्फोट, ५ जना घाइते

काठमाडौंको कागेश्वरी मनोहरा नगरपालिकामा स्थित पेप्सिकोलामा  ग्यास सिलिन्डर बिस्फोट हुँदा ५ जना घाइते भएका छन् । बिष्फोटका कारण घरमा समेत क्षति पुगेको छ ।

पेप्सिकोला स्थित कृष्ण कार्कीको घरमा ग्यास सिलिन्डर बिस्फोट भएको हो । बिष्फोटमा परी सुनिता कार्की, पर्वत कार्की, हेमा कार्की, रमेश कार्की र मिना खड्का घाइते भएको महानगरीय प्रहरी परिसर काठमाडौंले जनाएको छ ।

घाइते उनीहरूको नजिकैको मदर ल्यान्ड अस्पतालमा उपचार भइरहेको छ । घाइतेमध्ये पर्वत कार्कीको अवस्था सामान्य छ ।

खाजा बनाउनको लागि ग्यासको रेगुलेटर खोलेर लाइटर बाल्ने  क्रममा ग्यास लिक भएको प्रहरीको भनाइ छ ।