ओलीको कदममा प्रतिवादको रणनीति बनाउने तीन दल बैठकको निर्णय

नेपाली कांग्रेस, नेकपाको प्रचण्ड(नेपाल समूह र जनता समाजवादी पार्टी नेपालले प्रधानमन्त्री केपी शर्मा ओलीको असंवैधानिक कदमविरूद्ध मिलेर संघर्ष गर्ने निर्णय गरेका छन्। बैठकले संविधानको मर्म र भावना विपरित संसद विघटन गरिएको ठहर गर्दै तीन दलको केन्द्रीय समिति बैठकले प्रतिवादका कार्यक्रम तय गर्ने निश्कर्ष निकालेको नेकपा प्रवक्ता नारायणकाजी श्रेष्ठले जानकारी दिए । भोलि बस्ने नेकपा र काँग्रेस केन्द्रीय कार्यसमिति लगायत तीनै दलको बैठकले प्रतिवादको पार्टी रणनीति बनाउने र त्यसपछि बस्ने सर्वदलीय बैठकले एकृकीत नीति लिने निर्णय श्रेष्ठले बताए ।

आजको बैठकमा नेपाल कम्युनिस्ट पार्टीका कार्यकारी अध्यक्ष प्रचण्ड, वरिष्ठ नेताद्वय माधवकुमार नेपाल, झलनाथ खनाल र प्रवक्ता नारायणकाजी श्रेष्ठ, जनता समाजवादी पार्टीका नेता महन्थ ठाकुर लगायत सहभागी थिए ।