साल्ट ट्रेडिङ्गको घुम्ति पसल

News

सरकारी स्वामित्वको साल्ट ट्रेडिङ कर्पोरेशनले कोभिड–१९ बाट जोगिन पालना गर्नुपर्ने सुरक्षा उपाय अवलम्बन गर्दै उपभोक्तालाई घरघरमै नुन चिनी तथा गेडागडीहरु उपलब्ध गराउन थालेको छ।

उपभोक्ताबाट कोभिड १९ का कारण अधिकांश पसल बन्द भई अति आवश्यक नुन र चिनी गेडागुडी खरिद गर्न नपाएको गुनासो आएपछि हरेक दिन फरक फरक ठाउँमा गाडीमा सामान लिएर दैलोसम्म पुर्याउने व्यवस्था गरेको हो।

उपभोक्ता गुनासोको आधारमा घुम्ति पसल सेवा प्रदान गर्नका लागि दैनिक ३ वटा टाटामोवाईल परिचालन गरिएको छ। जसलाई उभोक्ताले सामान नपाएको ठाउँमा खटाउने गरिएको छ। चामलको बोराले धेरै ठाउँ ओगट्ने भएकाले घुम्ति सेवामा चामल भने राखिएको छैन।

घुम्ति सेवाका अलवा साल्ट ट्रेडिङले यसअघि जस्तै कालिमाटी, सतुंगल र कोटेश्वर, झक्तपुर, र बनेपा सहित पाँच स्थानमा रहेको आउटलेट खुला राखि खाद्यान्न बिक्री गर्दै आइरहेको छ। निजी क्षेत्रको चर्को मूल्यवृद्धिमाथि हस्तक्षेप गर्न साल्ट ट्रेडिङ्गले सधै झै यी स्थानबाट सेवा प्रवाह गर्दै आइरहेको छ।