संसारसँग नडराएको तालिवान कोरोनासँग डरायो

जुन आतंककारी समूहले अमेरिकालाई पनि चेतावनी दिँदै संसारमा त्रास फैलाउँदै आएको थियो त्यहि आतंककारी समूह तालिवान कोरोनासँग डराएको छ ।

आतंककारी संगठन तालिवान कोरोनासँग सतर्क भएको छ । उसले आफ्नो प्रभाव रहेको ईलाकाहरुमा जागरुकताको अभियान शुरु गरेको हो ।

उक्त क्षेत्रमा तालिवानले मानिसहरुलाई मास्क बाँड्दै हात धुने र नमाज पढ्नको लागि बताईरहेको अन्तर्राष्ट्रिय सञ्चारमाध्यमहरुले बताएका छन् ।

सञ्चारमाध्यमहरुका अनुसार केहि प्रत्यक्षदर्शीहरुले तालिवानको क्याम्पमा कोरोना भाइरससँग लड्न विभिन्न तरिकाहरु अपनाउँदै आफ्नो क्षेत्रका आम मानिसहरुमा सतर्कता जगाउँदै मास्कहरु बाँडिरहेको देखेको बताएका छन् ।

यो दृश्य पछि देश तथा आतंककारीहरुदेखि नडराएको तालिवान कोरोनासँग डराएको भन्दै मानिसहरुले टिप्पणी गर्न थालेका छन् । कोरोनासँग लड्नको लागि बच्ने थप रणानीति बनाउँदै गरेको प्रत्यक्षदर्शी ५५ वर्षीय खैरुल्लाले बताएका छन् ।

उनलाई तालिवानले नमाजको लागि बोलाएको पनि उनले अन्तर्राष्ट्रिय सञ्चारमाध्यमहरुसँग बताएका छन् ।

तालिवानले सबै युद्ध छोडेर अहिले कोरोनाविरुद्धको लडाईमा जुटेपछि अफगानिस्तान सरकारले सोसल मिडियामा तालिवानले कोरोनाविरुद्धको युद्ध थालेको फोटो सोसल मिडियामा देखेको बताएको छ ।

एजेन्सीको सहयोगमा