घरदेखि टाढा बस्न बाध्यलाई घर पुर्‍याइदिन माग गर्दै सर्वोच्चमा रिट

सोलुखुम्बुदेखि पैदलै कैलालीसम्म हिँडेका मजदूरहरूको कथालाई उदृत गर्दै रिट निवेदकहरुले असुरक्षित हिँड्न दिनुभन्दा सुरक्षित तरिकाले घरसम्म र्पुयाइदिनु पर्ने जिकिर गरेका छन् । रिटमा उपत्यका लगायतका सहरमा बस्न गाह्रो भए पनि जान नसक्ने गरी बिरामी परेका, शारीरिक दुर्बलता भएकालाई समेत सुरक्षित र स्वस्थ स्थानमा राख्न पनि माग गरिएको छ ।

रिट निवेदकहरूले कोरोनाको डरका बेला घरबाट टाढा बस्न परेकाहरूलाई मनोसामाजिक परामर्श दिने व्यवस्था गर्न माग समेतगरेका छन् । त्यस्तै, संसद विकास कोषको रकम कोरोना रोकथाम, नियन्त्रण तथा उपचार कोषमा जम्मा गर्न पनि रिटमा माग गरिएको छ ।