महामारीलाई लिएर चीनमाथि फ्रान्सको आशंका

काठमाडौं । कोरोना भाइरसको महामारीका कारण विश्वभर यो समाचार तयार पार्दासम्म १ लाख ५४ हजार २६६ जनाको ज्यान गएको छ भने १२ लाख ५० हजार ७९० जनालाई संक्रमण भएको छ ।

त्यस्तै ५ लाख ७१ हजार १४७ जना उपचार पछि निको भएका छन् । यसैबीच कोरोना भाइरसको महामारीलाई लिएर चीनमाथि अमेरिका पछि अब फ्रान्सले आशंका गर्न थालेको छ ।

भाइरससँग लड्नको लागि चीनले गरेको प्रयासमाथि फ्रान्सका राष्ट्रपति इम्यानुएल म्याक्रोले सवाल खडा गरेका हुन् ।

ब्रिटिश पत्रिका फाइनेसिन्सयल टाइम्ससँगको कुराकानीमा उनले चीनले धेरै कुराहरु लुकाएको तर हामी कसैलाई थाहा नभएको बताएका छन्

। साथै उनले चीनमा घटेका कोरोना भाइरस सम्बन्धि बिभिन्न कुराहरुको सत्यता चीनले कसैलाई नदिएको बताएका हुन् । यो भन्दा अगाडि पनि अमेरिकी राष्ट्रपति डोनाल्ड ट्रम्पले चीनले विश्वलाई सत्यता लुकाएको आरोप लगाउँदै आएका थिए ।

फ्रान्समा कोरोना भाइरसको महामारीका कारण यो समाचार तयार पार्दासम्म १८ हजार ६८१ जनाले ज्यान गुमाएका छन् भने, १ लाख ४७ हजार ९६९ जनालाई संक्रमण भएको छ । त्यस्तै ६ हजार २७ जनाको स्वास्थ्य अवस्था गम्भीर रहेको छ ।