चीनविरुद्ध फेरी खनिए ट्रम्प

काठमाडौं । कोरोना भाइरसबाट अमेरिकामा भएको महामारीमारीका कारण अमेरिकी राष्ट्रपति डोनाल्ड ट्रम्प चीनले भाइरस फैलाएको भन्दै चीनसँग रुष्ट बनिरहेका छन् ।

उनले शनिवार ह्वाईट हाउसमा भएको पत्रकार सम्मेलनका क्रममा यदि चीन कोरोना भाइरस फैलाउने जिम्मेवार ठहरियो भने, परिणाम गम्भीर हुनसक्ने धम्की दिएका छन् । राष्ट्रपति ट्रम्पले बेइजिंगले अमेरिकासँग गैर पारदर्शी व्यवहार गरेको आरोप समेत लगाएका छन् ।

चीनले कोरोना भाइरसविरुद्धको सत्यता विश्वलाई लुकाएको दोहोर्याउँदै उनले यदि कोरोना फैलाउने जिम्मेवारी चीन ठहरिएमा त्यसको परिणाम गम्भीर हुने बताएका छन् ।

राष्ट्रपति ट्रम्पले शनिवार ह्वाईट हाउसमा भएको पत्रकार सम्मेलनका क्रममा यदी चीन कोरोनाको संकट फैलाउने दोषी पाइयो भने त्यसको परिणाम राम्रो नहुने बताएका हुन् ।

सन् १९१७ पछि कसैले पनि यति धेरै मानिसहरु मरेको नदेखेको बताउँदै उनले कोरोना भाइरस विश्वमा फैलिनुपूर्व चीनसँग राम्रो सम्बन्ध भएपनि अब कुनै पनि देशको सम्बन्ध चीनसँग राम्रो नहुने बताए ।

के तपाई चीनसँग रुष्ट हुनुहुन्छ ? भन्ने पत्रकारको प्रश्नको उत्तर दिँदै राष्ट्रपति ट्रम्पले कोरोनाका कारण रुष्ट नभएर अत्याधिक रुष्ट भएको उत्तर दिएका छन् ।

राष्ट्रपति ट्रम्पले भने, ‘गल्ती हुनु र जानबुझ गर्नुमा फरक हुन्छ, कुनैपनि स्थितिमा चीनले हामीलाई सत्यता बताउनु पर्दथ्यो, कोरोना भाइरसको बारेमा सत्यता बताउनुपर्दथ्यो । चीनलाई राम्रोसँग थाहा थियो कि, भाइरस एकदमै डरलाग्दो छ र मलाई यो थाहा छ कि, अहिले आफ्नो कुकृत्यले चीन लाजमर्दाे बनेको छ ।’

ट्रम्पले चीन अमेरिकाका पूर्व उपराष्ट्रपति तथा अब हुने राष्ट्रपति डेमोक्रेटिक पार्टिका उम्मेद्वार जो बिडेनलाई समर्थन गरिरहेको दाबी गरेका छन् ।

‘कोरोना भाइरसले हर कोहिलाई पनि असर पुर्याएको छ । हामीसँग अहिलेसम्म विश्वकै सबैभन्दा ठूलो अर्थव्यवस्था छ, चीन हाम्रो आसपास पनि छैन’ ट्रम्पले भने ।

उनले थपे ‘ईरान अब पहिलाको तुलनामा एक फरक देश बनिसकेको छ, पहिला पूरा पश्चिम एशियामा आफ्नो अधिकार जमाउन चाहन्थ्यो तर, अब ईरान आफू बाच्नमात्र चाहन्छ ।’

कोरोना भाइरसको महामारीका कारण अहिलेसम्म विश्वमा १ लाख ६१ हजार २५१ जनाको ज्यान गएको छ भने ६लाख ५ हजार ७१८ जना निको भएका छन् ।

त्यस्तै २३ लाख ४९ हजार ५१६ जनालाई संक्रमण भएको छ भने विश्वमा ५५ हजार १४५ जनाको स्वास्थ्य अवस्था गम्भीर रहेको छ ।

त्यस्तै अमेरिकामा अहिलेसम्म ३९ हजार १५ जनाले ज्यान गुमाएका छन् भने ७ लाख ३८ हजार ९२३ जनालाई संक्रमण भएको छ । त्यस्तै अमेरिकामा १३ हजार ५५१ जनाको अवस्था गम्भीर रहेको छ ।

एजेन्सीको सहयोगमा