थप ३२३ जनामा कोरोना संक्रमण पुष्टि : संक्रमितको संख्या ४ हजार ८५ पुग्यो

काठमाडौँ – नेपालमा  मंगलबार  थप ३ सय २३  जनामा कोरोना संक्रमणको पुष्टि भएको छ । यससँगै नेपालमा कुल संक्रमितको संख्या ४ हजार ८५ पुगेको छ ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले नेपालमा थप ३२३  जनाको कोरोना परीक्षण रिपोर्ट पोजिटिभ आएको बताउनु भयो ।

डाक्टर गौतमका अनुसार अहिले देशभरका आइसोलेसनमा ३  हजार ४  सय ८७  जना संक्रमित रहेका छन् । पछिल्लो २४ धण्टामा ९६ जना डिस्चार्ज भएका छन् । योसँगै आजसम्म ५  सय ८४ जना संक्रमित उपचारपछि निको भएर घर फर्किएका छन् । नेपालमा कोरोनाका कारण मृत्यु हुनेको संख्या १५ जना रहेको छ  ।