पशुपंछीलाई खाना खुवाउने अभियानमा काठमाडौं महानगरपालिका

काठमाडौं, चैत्र ३०

काठमाडौं महानगरपालिकाले विश्व सम्पदा क्षेत्रमा रहेका पशुपंछीलाई खाना खुवाउने अभियान सञ्चालन गरेको छ । लकडाउनका बेला पशुपंछी भोकै नरहुन भन्दै महानगरपालिकाले यस्तो अभियान सञ्चालन गरेको हो । काठमाडौं महानगरपालिकाका प्रमुख विद्यासुन्दर शाक्य नेतृत्वको टोलीले पशुपतिनाथ, स्वयम्भू र बौद्धमा रहेका कुकुर, बाँदर, परेवालाई खाने कुरा दिएको हो । कोरोना भाइरसको संक्रमण रोकथामका लागि देश लकडाउनमा छ । यस्तो समयमा ती क्षेत्रहरुमा मानिसको आवतजावत नहुँदा पशुपंछीहरु पनि भोकै रहने हुँदा महानगरपालिकाले खाना खुवाएको हो ।