थप ५२५ जनामा कोरोना संक्रमण पुष्टि : संक्रमितको सं‌ख्या २४ हजार ९५७

बिहीबार  थप ५२५ जनामा कोरोना संक्रमण पुष्टि भएको छ । यससँगै नेपालमा कुल संक्रमितको संख्या २४ हजार ९ सय ५७ जना पुगेको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा।जागेश्वर गौतमले नेपालमा थप ५२५ जनाको कोरोना परीक्षण रिपोर्ट पोजेटिभ आएको बताउनुभयो ।

अहिले देशका विभिन्न आइसोलेसनमा ८ हजार २५ जना संक्रमित उपचाररत रहेका छन् । गत २४ घण्टामा १०९ जना जना डिस्चार्ज भएका छन् ,भने आजसम्म डिस्चार्ज हुनेको संख्या १६ हजार ८ सय ३७ पुगेको छ ।

नेपालमा कोरोनाका कारण मृत्यु हुनेको संख्या ९५ जना रहेको छ । अहिले देशभरीका क्वारेन्टिनमा १४ हजार ७ सय ६९  जना रहेका छन् । बिहीबार  पीसीआर विधिबाट ९ हजार ८ सय ५९ जनाको कोरोना परीक्षण भएको छ ।  अहिलेसम्म  ४ लाख ८३  हजार २८ जनाको कोरोना परीक्षण भएको छ ।  अहिले देशभरीका विभिन्न  क्वारेन्टाइनमा १४  हजार  ८ सय ४६ जना रहेका छन ।