लकडाउन ७ दिन थप्ने उच्चस्तरीय समितिको निर्णय, आज ४ बजेको मन्त्रिपरिषद्ले अनुमोदन गर्दै

News

‘लकडाउन’को अवधि आगामी ३ वैशाखसम्म लम्बिने भएको छ । आइतबार बसेको कोरोना रोकथाम तथा उच्चस्तरीय समन्वय समितिको बैठकले ‘लकडाउन’ अवधि थप ७ दिनलाई थप्नको लागि सिफारिस गर्ने निर्णय गरेकाे थियाे ।

सोही निर्णय अनुमोदनसहित अन्य विषयमा छलफल गर्नका लागि ४ बजे प्रधानमन्त्रीको सरकारी निवास बालुवाटारमा मन्त्रिपरिषद् बैठक बाेलाइएको छ । यसअघि पनि उपप्रधानमन्त्री तथा रक्षामन्त्री ईश्‍वर पोखरेल संयोजक रहेको समितिको सिफारिसमा ‘लकडाउन’ गरिएकाे थियो ।

पहिलो चरणमा ११ चैतदेखि १८ चैतसम्मको समय थप गरिएकोमा दोस्रो पटकको निर्णयबाट २५ चैतसम्म लम्बाइएको थियो । सोमबारको मन्त्रिपरिषद् बैठकबाट ३ बैशाखसम्म लकडाउन अवधि थप्‍ने निर्णय गर्न थालिएको हो ।