टोखा र बुढानिलकण्ठका संक्रमित पाँचै दिनमा कोरोना मुक्त

काठमाडौं। काठमाडौंका दुई जना पुरुष कोरोना संक्रमित भएर अस्पताल भर्ना भएको पाँचौ दिनमा नै कोरोनामुक्त भएर डिस्चार्ज भएका छन्।

स्वास्थ्य मन्त्रालयका प्रवक्ता डा. विकास देवकोटाका अनुसार काठमाडौंको टोखा र बुढानीलकण्ठका दुईजना पुरुष कोरोनामुक्त भएर अस्पतालबाट घर फर्किएका हुन्।

उनीहरु दुवैजनामा १२ जेठमा कोरोना संक्रमण पुष्टि भएको थियो। पाँचै दिनमा कोरोनाबाट मुक्त भएर घर फर्किनेमा बूढानीलकण्ठ-३ निवासी ३८ वर्षीय पुरुष र टोखा नगरपालिका-६ का ४१ वर्षीय पुरुष रहेका छन्।