Published at: 2020-06-10वीरगञ्ज, भारतबाट फर्केर बाराको सिम्रौनगढ नगरपालिका स्थित क्वारेन्टिनमा बस्दै आएका ८ जनामा बुधबार कोरोना संक्रमण पुष्टि भएको छ।
नगरपालिकाको कंकालिनी माध्यमिक विद्यालयको क्वारेन्टिनमा बस्दै आएका ८ जनामा कोरोना संक्रमणको पुष्टि भएको हो।
क्वारेन्टिनमा बस्दै आएका १२, १९, २३, ३५, ३८, ४० र २७ वर्षका दुई जना गरी आठ जना पुरुषमा कोरोना संक्रमण देखिएको छ। संक्रमित सबै जना पुरुषहरु हुन्।
उनीहरुको गत जेठ २२ गते स्वाब संकलन गरि हेटौंडा स्थित प्रयोगशालामा पठाइएकोमा त्यहा परीक्षण गर्दा उनीहरुमा कोरोना संक्रमणको पुष्टि भएको हो।
संक्रमित सबैलाई उपचारको लागि कलैया उप महानगरपालिका स्थित शैक्षिक तालिम केन्द्रमा निर्माण गरिएको कोरोना अस्थायी विशेष अस्पतामा ल्याउने तयारी भैरहेको छ।