चीनसँग कुनै किसिमको सीमा विवाद छैन : परराष्ट्र

काठमाडौँ  – सरकारले चीनसँग नेपालको सीमा विवाद नरहेको स्पष्टीकरण दिएको छ । आज परराष्ट्र मन्त्रालयले विज्ञप्ति जारी गरी चीनसँग नेपालको सीमा विवाद नरहेको स्पष्टीकरण दिएको हो । हराएको भनिएको ३७ र ३८ नम्बरको सीमा स्तम्भ राख्दै नराखिएको मन्त्रालयले बताएको छ ।

प्राकृतिक कारणले दुई देशबीचकै सहमतिमा ती स्तम्भ नराखिएको परराष्ट्रको भनाइ छ । नेपाल र चीनबीचको सीमा सन् १९६१ अक्टोबर ५ मा दुई देशबीच भएको सीमा सम्झौताले निर्धारण गरे बमोजिम रहेको परराष्ट्रले उल्लेख गरेको छ ।  सीमासम्बन्धी केही समस्या देखिएमा दुई देशबीचको समझदारीमा समाधान गर्ने पनि परराष्ट्रले विज्ञप्तिमा उल्लेख गरेको छ ।