जोखिम हेरेर फेरि लकडाउन

देशमा फेरि लकडाउन हुने भएको छ । तर, अबको लकडाउन देशभर नभएर कोरोना भाइरसको संक्रमण फैलिएको निश्चित स्थानलाई शिल्ड गरी लगाइने भएको हो ।

सरकारले ७ साउनसम्म लगाएको लकडाउन अन्त घोषणा गरेपनि संक्रमण फैलन थालेको थियो । यसलाई दृष्टिगत गरी कोरोना भाइरस बढी फैलिएको स्थानहरुमा लकडाउन गर्ने तयारी गरेको हो ।

देशका विभिन्न भागमा कोरोना संक्रमितको संख्या बढेपछि सरकारले रोकथामका लागि निश्चित स्थानमा निश्चित समयसम्म लकडाउने गर्ने नीति बनाएको हो । यसको कार्यान्वयन आवश्यकता अनुसार तत्काल हुने बुझिएको छ ।